A apaixonante aventura da Torre da Lúa rematou con Kyle, Vic, Beth, Harry e Nate ás portas dun laberinto oculto baixo a cidade. Tras descender por unha escaleira segreda cara ao descoñecido, os cinco amigos continúan coa súa aventura tratando de adiviñar as novas pistas que lles deixou o excéntrico explorador Henry Merriweather, de quen se rumorea que estaba a punto de atopar un tesouro de gran valor cando desapareceu de forma repentina. A que perigos terán que enfrontarse? Porque todo o mundo sabe que onde hai un tesouro oculto hai tamén algo que o protexe...Os exploradores deberán unir forzas para resolver as adiviñanzas e descifrar as pistas que conducen ao tesouro...e máis alá!